תהילות יהוה

קול העורך

אתם לבטח תוהים, למה קראתי לספר זה בשם "תהילות יהוה", במקום לקרוא לו "ספר תהילים", או רק "תהילים". מסתבר שלמילה "תהילים" אין כל משמעות והיא כנראה גלגול משובש של המילה "תהילות", שהיא הרבים של המילה "תהילה", שמשמעה, שֶׁבַח, הַלֵּל, הוֹד, זֹהַר, הָדָר.

ישנם מפרשים, גדולי ישראל, שאכן קראו לספר הידוע בשם "תהילים", בשם "תהילות", אבל מאחר ו"תהילים" הוא השם שהשתרש ברוב קהילות ישראל, הוא גם נשאר כזה לאורך הדורות, עד ימינו.

דוגמא לשם של תפילה שהשתרש ולא שונה, הוא "תפילת שמונה עשרה"; למרות שבסביבות המאה השלישית לספירה, נוספה עוד ברכה, התשע עשרה במספר. גם שם, לקחתי לעצמי את החרות לשנות את שם התפילה ל"תפילת תשע עשרה", השם הנכון, והמדויק יותר, וכך זה גם מופיע בסידור שניסחתי וערכתי, שנקרא: "שמע אלי", שהינו סידור ישראלי קצר וקולע למתפלל ביחידות.

לא כולם כותבים "תהילים" עם שני יודים; ראיתי ספרים שנקראים "תהלים", עם יוד אחת בלבד, והרי לכם שיבוש נוסף, או לא.

תימוכין לשם הספר מצאתי בשני מזמורים. האחד, במזמור עח (78), ד: "לֹא נְכַחֵד מִבְּנֵיהֶם, לְדוֹר אַחֲרוֹן מְסַפְּרִים תְּהִלּוֹת יְהוָה וֶעֱזוּזוֹ, וְנִפְלְאוֹתָיו אֲשֶׁר עָשָׂה".

השני, במזמור קמה (146), כא: "תְּהִלַּת יְהוָה יְדַבֶּר פִּי, וִיבָרֵךְ כָּל בָּשָׂר שֵׁם קָדְשׁוֹ — לְעוֹלָם וָעֶד".

וגם בספר ישעיהו סג, ז: "חַסְדֵי יְהוָה אַזְכִּיר, תְּהִלֹּת יְהוָה כְּעַל כֹּל אֲשֶׁר גְּמָלָנוּ יְהוָה, וְרַב טוּב לְבֵית יִשְׂרָאֵל אֲשֶׁר גְּמָלָם כְּרַחֲמָיו וּכְרֹב חֲסָדָיו".

לֵית מָאן דְּפָלִיג, שבספר הזה, ולא חשוב איך תקראו לו, ישנם 150 מזמורים, שרובם מיוחסים לדוד המלך, ולכן גם הוספתי לשם את "מזמורי דוד". דוד המלך ידוע גם בכינוי, "נעים זמירות ישראל".

"תהילות יהוה" או "תהילים" בלשון העם, הוא הספר הראשון ב"כתובים", שהוא החלק השלישי בחלוקה של כתבי הקודש, התנ"ך, לשלושה חלקים; "תורה", "נביאים" ו"כתובים". שלא כמו ה"תורה", שנכתבה ע"י משה רבנו מפי הגבורה; ה"נביאים", שנכתבו מכח הנבואה; הרי ש"כתובים", נכתבו מכח רוח הקודש. ספרים נוספים ב"כתובים", הם: משלי, איוב, שיר השירים, רות, איכה, קהלת, אסתר, עזרא ונחמיה, דניאל ודברי הימים.

״תהילות יהוה״ הינו ספר שירה שנושאו העיקרי, אפסות "האדם" לעומת "האל" הכל יכול; ולכן, רבים מהמזמורים מצאו את עצמם בסידור התפילה, ולא רק. המזמורים נאמרים גם בשעת שמחה ועצב, נחמה ובקשה, הודיה והתוועדות, הצלחה וכישלון, אזכרה והתייחדות, אֵבֶל והתרוממות רוח, זריחה ושקיעה, ומתי לא. כבר כתבתי באחד מספרי, ש"השירה היא ביטוי לנפש, ואין הנפש מתמלאת אלא דרך השירה".

כאמור, ישנם מזמורים שמיוחסים לדמויות נוספות, בהיסטוריה העולמית ושל עם ישראל, ואלו הם: אדם הראשון, מלכי צדק, אברהם אבינו, משה רבנו, הימן האזרחי, ידותון, אסף, שלשת בני קרח ושלמה. דוגמאות למזמורים שלפי הפרשנים לא מיוחסים לדוד, הם: מזמור צ': "תפילה למשה איש האלוקים", שמיוחס למשה רבנו. מזמור צ"ב "מזמור שיר ליום השבת", שמיוחס לאדם הראשון. מזמור מ״ב: "למנצח משכיל לבני קרח", שמיוחס לבני קרח. מזמור נ': "מזמור לאסף אל אלהים", שמיוחס לאסף. מזמור פ"ט: משכיל לאיתן האזרחי", שמיוחס לאיתן האזרחי. מזמור ל"ט: "למנצח לידותון מזמור לדוד", שמיוחס לידותון. מזמור קכ"ז: "שיר המעלות לשלמה, אם יהוה לא יבנה בית..." שמיוחס לשלמה המלך. מזמור ק"י: "לדוד מזמור... על דברים מלכי צדק..." שמיוחס למלכי צדק.

עבודתי בספר מסתכמת, בעיקר, בפיסוק הפסוקים הקיימים, למרות שלפעמים מאוד רציתי לפרק חלק מהפסוקים ולהרכיבם מחדש. לא סוד הוא, שתוכנם של מזמורים לא מעטים, קשה לפיצוח; ולכן לא תמצאו ספר פירושים שיתן מענה הולם לכל הקשיים שבהבנת הנקרא. אם מצאתם כבר מי שפירש חלקים ממנו, הרי שתמצאו אחרים שפירשו אחרת, כיאה לספר שירה, שהשירים שבו מובנים ומוסברים בדרכים שונות, וכולם מנסים למצוא את התשובה לשאלה: למה התכוון המשורר? הפיסוק לכשעצמו, כבר נותן כיוון מסוים להבנת הכתוב. פיסוק הוא אבן דרך המכוונת את הקורא אל היעד הרצוי למפסק. לא חסרים ספרי תהילים שמפוסקים שׁוֹנֶה, ולכן גם מובנים בדרך שׁוֹנָה. לא היססתי להשתמש בכל סימני הפיסוק, מלבד הפסיק, או הנקודה פסיק, כמקובל בספרי תהילים רבים, הגם שעשיתי זאת במשורה. מצאתי לנכון גם למספר את המזמורים לנוחיות הקורא.

בנוסף, עטרתי את הספר: בפרשת המן, נשמת כל חי, ברכת המזון, ברכה אחרונה מעין שלוש, תפלה לחולה, תפילת רבי אלימלך מִלִּיזַ'נְסְק זצ״ל, אגרת הרמב״ן, תְּפִילָּה לִשְׁלוֹם חַיָּילֵי צַהַ"ל הַיּוֹצְאִים לִפְעוּלָּה קְרָבִית־הֶתְקֵפִית, שְׁלוֹשׁ עֶשְׂרֵה עִיקָּרֵי הָאֱמוּנָה הַיְּהוּדִית, ועוד.

מה שקדם להוצאתו לאור של ספר זה, הוא הוצאתם לאור של שני שירים: "מזמור לדוד" ו"מזמור לאלוקים" אותם כתבתי והפקתי. מלחין השירים: יוני רועה, המעבד המוזיקלי: ננסי ברנדס, והזמר: דודו פישר. השירים מופיעים בכריכה האחורית של הספר, ולידם QR, ברקוד, שסריקה שלהם תוביל אותכם להשמעת השירים ביוטיוב.

ב"מזמור לדוד", השיר מביא לידי ביטוי את השושלת המיוחדת של דוד המלך ואת פועלו. הפזמון נוטע תקווה אצל כל אחד ואחת מאיתנו, וביחוד אצל אלו שחושבים שהם חסרי סיכוי.

ב"מזמור לאלוקים", השיר פורס את ההסטוריה של עם ישראל, החל מבחירת האל בעם ישראל ונתינתה של ארץ ישראל לעמו — כבורא העולם, ועד הקמתה של מדינת ישראל. הפזמון פונה אל האל בבקשה, שהיא בעצם דרישה, לברך את העם והארץ.

מלבד השירים האלה, כתבתי והפקתי, בין היתר, גם את השירים הבאים: הדגל, הגשמת התקוה, אַתְּ, מצדה, שיר חטיבות החי"ר, שיר חטיבת הנח"ל, כמה טוב, חזרתי אלייך, בקוקפיט, בשערי העיר העתיקה, אהבה, הר הבית, כאן ועכשיו, אדם נולד, משהו בתוכי, הודיה, שלומי שלי, אווה, עוד חיים, יצאתי לשוט, שיר על בטוח, איצטרובלית, רציתי שינוי בחיי, סבי סבתי, ארצי, ועוד.

בנוסף לשירים, הוצאתי לאור גם מספר ספרי הגות ותובנות בנושאים שונים, הידועים בשמות: רעיונות, מחשבות, הגות, נפש, רוח, תובנות, מבטים, הרהורים, אידאות, הבזקים, הארות, דעות, מסקנות, הצלחה, כישלון, ומה שביניהם, אושר ועושר.

הרצון שלי להוציא לאור את "תהילות יהוה" נטוע בצורך להנגיש את הספר עם מעין פירוש של התוכן, באמצעות פיסוק הפסוקים, באופן מפורט וחדשני; וכן, כדי להמשיך את דרך מחשבתי שבאה לידי ביטוי בחלק מיצירותיי.

ד״ר אליעזר קראוס

מִזְמוֹר א (1)

א אַשְׁרֵי הָאִישׁ אֲשֶׁר לֹא הָלַךְ בַּעֲצַת רְשָׁעִים, וּבְדֶרֶךְ חַטָּאִים — לֹא עָמָד, וּבְמוֹשַׁב לֵצִים — לֹא יָשָׁב. ב כִּי אִם בְּתוֹרַת יְהוָה חֶפְצוֹ, וּבְתוֹרָתוֹ יֶהְגֶּה — יוֹמָם וָלָיְלָה. ג וְהָיָה כְּעֵץ שָׁתוּל עַל פַּלְגֵי מָיִם, אֲשֶׁר פִּרְיוֹ — יִתֵּן בְּעִתּוֹ, וְעָלֵהוּ — לֹא יִבּוֹל, וְכֹל אֲשֶׁר יַעֲשֶׂה — יַצְלִיחַ. ד לֹא כֵן הָרְשָׁעִים, כִּי אִם כַּמֹּץ אֲשֶׁר תִּדְּפֶנּוּ רוּחַ. ה עַל כֵּן לֹא יָקֻמוּ רְשָׁעִים בַּמִּשְׁפָּט, וְחַטָּאִים בַּעֲדַת צַדִּיקִים. ו כִּי יוֹדֵעַ יְהוָה דֶּרֶךְ צַדִּיקִים, וְדֶרֶךְ רְשָׁעִים — תֹּאבֵד.

מִזְמוֹר ב (2)

א לָמָּה רָגְשׁוּ גוֹיִם, וּלְאֻמִּים יֶהְגּוּ רִיק?! ב יִתְיַצְּבוּ מַלְכֵי אֶרֶץ, וְרוֹזְנִים נוֹסְדוּ יָחַד, עַל יְהוָה וְעַל מְשִׁיחוֹ. ג נְנַתְּקָה אֶת מוֹסְרוֹתֵימוֹ, וְנַשְׁלִיכָה מִמֶּנּוּ עֲבֹתֵימוֹ. ד יוֹשֵׁב בַּשָּׁמַיִם יִשְׂחָק, אֲדֹנָי יִלְעַג לָמוֹ. ה אָז יְדַבֵּר אֵלֵימוֹ — בְאַפּוֹ, וּבַחֲרוֹנוֹ — יְבַהֲלֵמוֹ. ו וַאֲנִי נָסַכְתִּי מַלְכִּי, עַל צִיּוֹן הַר קָדְשִׁי. ז אֲסַפְּרָה אֶל חֹק, יְהוָה אָמַר אֵלַי: בְּנִי אַתָּה, אֲנִי הַיּוֹם יְלִדְתִּיךָ. ח שְׁאַל בְּנִי וְאֶתְּנָה גוֹיִם נַחֲלָתֶךָ; וַאֲחֻזָּתְךָ — אַפְסֵי אָרֶץ. ט תְּרֹעֵם בְּשֵׁבֶט בַּרְזֶל, כִּכְלִי יוֹצֵר תְּנַפְּצֵם. י וְעַתָּה מְלָכִים הַשְׂכִּילוּ, הִוָּסְרוּ שֹׁפְטֵי אָרֶץ. יא עִבְדוּ אֶת יְהוָה בְּיִרְאָה, וְגִילוּ בִּרְעָדָה. יב נַשְּׁקוּ בַר פֶּן יֶאֱנַף, וְתֹאבְדוּ דֶרֶךְ, כִּי יִבְעַר כִּמְעַט אַפּוֹ; אַשְׁרֵי כָּל חוֹסֵי בוֹ.

מִזְמוֹר ג (3)

א מִזְמוֹר לְדָוִד, בְּבָרְחוֹ מִפְּנֵי אַבְשָׁלוֹם בְּנוֹ. ב יְהוָה, מָה רַבּוּ צָרָי, רַבִּים קָמִים עָלָי. ג רַבִּים אֹמְרִים: לְנַפְשִׁי אֵין יְשׁוּעָתָה לּוֹ — בֵאלֹהִים, סֶלָה. ד וְאַתָּה, יְהוָה: מָגֵן בַּעֲדִי — כְּבוֹדִי, וּמֵרִים רֹאשִׁי. ה קוֹלִי אֶל יְהוָה אֶקְרָא, וַיַּעֲנֵנִי מֵהַר קָדְשׁוֹ, סֶלָה. ו אֲנִי שָׁכַבְתִּי וָאִישָׁנָה; הֱקִיצוֹתִי, כִּי יְהוָה יִסְמְכֵנִי. ז לֹא אִירָא מֵרִבְבוֹת עָם, אֲשֶׁר סָבִיב שָׁתוּ עָלָי. ח קוּמָה יְהוָה — הוֹשִׁיעֵנִי אֱלֹהַי, כִּי הִכִּיתָ אֶת כָּל אֹיְבַי לֶחִי, שִׁנֵּי רְשָׁעִים שִׁבַּרְתָּ. ט לַיהוָה הַיְשׁוּעָה, עַל עַמְּךָ בִרְכָתֶךָ, סֶּלָה.

מִזְמוֹר ד (4)

א לַמְנַצֵּחַ בִּנְגִינוֹת, מִזְמוֹר לְדָוִד. ב בְּקָרְאִי — עֲנֵנִי אֱלֹהֵי צִדְקִי, בַּצָּר — הִרְחַבְתָּ לִּי, חָנֵּנִי — וּשְׁמַע תְּפִלָּתִי. ג בְּנֵי אִישׁ, עַד מֶה כְבוֹדִי לִכְלִמָּה, תֶּאֱהָבוּן רִיק, תְּבַקְשׁוּ כָזָב, סֶלָה. ד וּדְעוּ, כִּי הִפְלָה יְהוָה חָסִיד, לוֹ יְהוָה יִשְׁמַע — בְּקָרְאִי אֵלָיו. ה רִגְזוּ, וְאַל תֶּחֱטָאוּ; אִמְרוּ בִלְבַבְכֶם עַל מִשְׁכַּבְכֶם — וְדֹמּוּ, סֶלָה. ו זִבְחוּ זִבְחֵי צֶדֶק, וּבִטְחוּ אֶל יְהוָה. ז רַבִּים אֹמְרִים: מִי יַרְאֵנוּ טוֹב? נְסָה עָלֵינוּ, אוֹר פָּנֶיךָ יְהוָה. ח נָתַתָּה שִׂמְחָה בְלִבִּי, מֵעֵת דְּגָנָם וְתִירוֹשָׁם רָבּוּ. ט בְּשָׁלוֹם יַחְדָּו אֶשְׁכְּבָה וְאִישָׁן, כִּי אַתָּה יְהוָה לְבָדָד, לָבֶטַח תּוֹשִׁיבֵנִי.

מִזְמוֹר ה (5)

א לַמְנַצֵּחַ אֶל הַנְּחִילוֹת, מִזְמוֹר לְדָוִד. ב אֲמָרַי הַאֲזִינָה יְהוָה, בִּינָה הֲגִיגִי. ג הַקְשִׁיבָה לְקוֹל שַׁוְעִי — מַלְכִּי וֵאלֹהָי, כִּי אֵלֶיךָ אֶתְפַּלָּל. ד יְהוָה, בֹּקֶר תִּשְׁמַע קוֹלִי, בֹּקֶר אֶעֱרָךְ לְךָ וַאֲצַפֶּה. ה כִּי לֹא אֵל חָפֵץ רֶשַׁע אָתָּה, לֹא יְגֻרְךָ רָע. ו לֹא יִתְיַצְּבוּ הוֹלְלִים לְנֶגֶד עֵינֶיךָ, שָׂנֵאתָ כָּל פֹּעֲלֵי אָוֶן. ז תְּאַבֵּד דֹּבְרֵי כָזָב, אִישׁ דָּמִים וּמִרְמָה — יְתָעֵב יְהוָה. ח וַאֲנִי בְּרֹב חַסְדְּךָ אָבוֹא בֵיתֶךָ, אֶשְׁתַּחֲוֶה אֶל הֵיכַל קָדְשְׁךָ — בְּיִרְאָתֶךָ. ט יְהוָה, נְחֵנִי בְצִדְקָתֶךָ לְמַעַן שׁוֹרְרָי, הַיְשַׁר לְפָנַי דַּרְכֶּךָ. י כִּי אֵין בְּפִיהוּ נְכוֹנָה — קִרְבָּם הַוּוֹת, קֶבֶר פָּתוּחַ גְּרוֹנָם, לְשׁוֹנָם יַחֲלִיקוּן. יא הַאֲשִׁימֵם אֱלֹהִים, יִפְּלוּ מִמֹּעֲצוֹתֵיהֶם; בְּרֹב פִּשְׁעֵיהֶם הַדִּיחֵמוֹ, כִּי מָרוּ בָךְ. יב וְיִשְׂמְחוּ כָל חוֹסֵי בָךְ, לְעוֹלָם יְרַנֵּנוּ, וְתָסֵךְ עָלֵימוֹ, וְיַעְלְצוּ בְךָ אֹהֲבֵי שְׁמֶךָ. יג כִּי אַתָּה תְּבָרֵךְ צַדִּיק, יְהוָה; כַּצִּנָּה רָצוֹן תַּעְטְרֶנּוּ.

מִזְמוֹר ו (6)

א לַמְנַצֵּחַ, בִּנְגִינוֹת עַל הַשְּׁמִינִית, מִזְמוֹר לְדָוִד. ב יְהוָה אַל בְּאַפְּךָ תוֹכִיחֵנִי, וְאַל בַּחֲמָתְךָ תְיַסְּרֵנִי. ג חָנֵּנִי יְהוָה, כִּי אֻמְלַל אָנִי; רְפָאֵנִי יְהוָה, כִּי נִבְהֲלוּ עֲצָמָי. ד וְנַפְשִׁי נִבְהֲלָה מְאֹד, וְאַתָּה, יְהוָה: עַד מָתָי? ה שׁוּבָה יְהוָה, חַלְּצָה נַפְשִׁי; הוֹשִׁיעֵנִי, לְמַעַן חַסְדֶּךָ. ו כִּי אֵין בַּמָּוֶת זִכְרֶךָ, בִּשְׁאוֹל מִי יוֹדֶה לָּךְ?! ז יָגַעְתִּי בְּאַנְחָתִי, אַשְׂחֶה בְכָל לַיְלָה מִטָּתִי, בְּדִמְעָתִי עַרְשִׂי אַמְסֶה. ח עָשְׁשָׁה מִכַּעַס עֵינִי, עָתְקָה בְּכָל צוֹרְרָי. ט סוּרוּ מִמֶּנִּי כָּל פֹּעֲלֵי אָוֶן, כִּי שָׁמַע יְהוָה קוֹל בִּכְיִי. י שָׁמַע יְהוָה תְּחִנָּתִי, יְהוָה תְּפִלָּתִי יִקָּח. יא יֵבֹשׁוּ וְיִבָּהֲלוּ מְאֹד כָּל אֹיְבָי, יָשֻׁבוּ יֵבֹשׁוּ רָגַע.

מִזְמוֹר ז (7)

א שִׁגָּיוֹן לְדָוִד אֲשֶׁר שָׁר לַיהוָה, עַל דִּבְרֵי כוּשׁ בֶּן יְמִינִי. ב יְהוָה אֱלֹהַי בְּךָ חָסִיתִי, הוֹשִׁיעֵנִי מִכָּל רֹדְפַי, וְהַצִּילֵנִי. ג פֶּן יִטְרֹף כְּאַרְיֵה נַפְשִׁי, פֹּרֵק וְאֵין מַצִּיל. ד יְהוָה אֱלֹהַי, אִם עָשִׂיתִי זֹאת, אִם יֶשׁ עָוֶל בְּכַפָּי. ה אִם גָּמַלְתִּי שׁוֹלְמִי רָע, וָאֲחַלְּצָה צוֹרְרִי רֵיקָם. ו יִרַדֹּף אוֹיֵב נַפְשִׁי וְיַשֵּׂג, וְיִרְמֹס לָאָרֶץ חַיָּי, וּכְבוֹדִי לֶעָפָר יַשְׁכֵּן, סֶלָה. ז קוּמָה יְהוָה בְּאַפֶּךָ, הִנָּשֵׂא בְּעַבְרוֹת צוֹרְרָי; וְעוּרָה אֵלַי, מִשְׁפָּט צִוִּיתָ. ח וַעֲדַת לְאֻמִּים תְּסוֹבְבֶךָּ, וְעָלֶיהָ לַמָּרוֹם שׁוּבָה. ט יְהוָה יָדִין עַמִּים, שָׁפְטֵנִי יְהוָה כְּצִדְקִי — וּכְתֻמִּי עָלָי. י יִגְמָר נָא רַע רְשָׁעִים, וּתְכוֹנֵן צַדִּיק, וּבֹחֵן לִבּוֹת וּכְלָיוֹת; אֱלֹהִים צַדִּיק. יא מָגִנִּי עַל אֱלֹהִים, מוֹשִׁיעַ יִשְׁרֵי לֵב. יב אֱלֹהִים שׁוֹפֵט צַדִּיק, וְאֵל זֹעֵם בְּכָל יוֹם. יג אִם לֹא יָשׁוּב — חַרְבּוֹ יִלְטוֹשׁ, קַשְׁתּוֹ דָרַךְ וַיְכוֹנְנֶהָ. יד וְלוֹ הֵכִין כְּלֵי מָוֶת, חִצָּיו לְדֹלְקִים יִפְעָל. טו הִנֵּה יְחַבֶּל אָוֶן, וְהָרָה עָמָל, וְיָלַד שָׁקֶר. טז בּוֹר כָּרָה וַיַּחְפְּרֵהוּ, וַיִּפֹּל בְּשַׁחַת יִפְעָל. יז יָשׁוּב עֲמָלוֹ בְרֹאשׁוֹ, וְעַל קָדְקֳדוֹ חֲמָסוֹ יֵרֵד. יח אוֹדֶה יְהוָה כְּצִדְקוֹ, וַאֲזַמְּרָה שֵׁם יְהוָה עֶלְיוֹן.

מִזְמוֹר ח (8)

א לַמְנַצֵּחַ עַל הַגִּתִּית, מִזְמוֹר לְדָוִד. ב יְהוָה אֲדֹנֵינוּ, מָה אַדִּיר שִׁמְךָ בְּכָל הָאָרֶץ, אֲשֶׁר תְּנָה הוֹדְךָ עַל הַשָּׁמָיִם. ג מִפִּי עוֹלְלִים וְיֹנְקִים יִסַּדְתָּ עֹז — לְמַעַן צוֹרְרֶיךָ, לְהַשְׁבִּית אוֹיֵב וּמִתְנַקֵּם. ד כִּי אֶרְאֶה שָׁמֶיךָ מַעֲשֵׂי אֶצְבְּעֹתֶיךָ, יָרֵחַ וְכוֹכָבִים אֲשֶׁר כּוֹנָנְתָּה. ה מָה אֱנוֹשׁ כִּי תִזְכְּרֶנּוּ, וּבֶן אָדָם כִּי תִפְקְדֶנּוּ. ו וַתְּחַסְּרֵהוּ מְּעַט מֵאֱלֹהִים, וְכָבוֹד וְהָדָר תְּעַטְּרֵהוּ. ז תַּמְשִׁילֵהוּ בְּמַעֲשֵׂי יָדֶיךָ, כֹּל שַׁתָּה תַחַת רַגְלָיו. ח צֹנֶה וַאֲלָפִים כֻּלָּם, וְגַם בַּהֲמוֹת שָׂדָי. ט צִפּוֹר שָׁמַיִם וּדְגֵי הַיָּם, עֹבֵר אָרְחוֹת יַמִּים. י יְהוָה אֲדֹנֵינוּ, מָה אַדִּיר שִׁמְךָ בְּכָל הָאָרֶץ.

מִזְמוֹר ט (9)

א לַמְנַצֵּחַ, עַלְמוּת לַבֵּן, מִזְמוֹר לְדָוִד. ב אוֹדֶה יְהוָה בְּכָל לִבִּי, אֲסַפְּרָה כָּל נִפְלְאוֹתֶיךָ. ג אֶשְׂמְחָה וְאֶעֶלְצָה בָךְ, אֲזַמְּרָה שִׁמְךָ עֶלְיוֹן. ד בְּשׁוּב אוֹיְבַי אָחוֹר, יִכָּשְׁלוּ וְיֹאבְדוּ מִפָּנֶיךָ. ה כִּי עָשִׂיתָ מִשְׁפָּטִי וְדִינִי, יָשַׁבְתָּ לְכִסֵּא שׁוֹפֵט צֶדֶק. ו גָּעַרְתָּ גוֹיִם, אִבַּדְתָּ רָשָׁע, שְׁמָם מָחִיתָ לְעוֹלָם וָעֶד. ז הָאוֹיֵב — תַּמּוּ חֳרָבוֹת לָנֶצַח, וְעָרִים נָתַשְׁתָּ — אָבַד זִכְרָם הֵמָּה. ח וַיהוָה — לְעוֹלָם יֵשֵׁב, כּוֹנֵן לַמִּשְׁפָּט כִּסְאוֹ. ט וְהוּא יִשְׁפֹּט תֵּבֵל בְּצֶדֶק, יָדִין לְאֻמִּים בְּמֵישָׁרִים. י וִיהִי יְהוָה מִשְׂגָּב לַדָּךְ, מִשְׂגָּב לְעִתּוֹת בַּצָּרָה. יא וְיִבְטְחוּ בְךָ יוֹדְעֵי שְׁמֶךָ, כִּי לֹא עָזַבְתָּ דֹרְשֶׁיךָ יְהוָה. יב זַמְּרוּ לַיהוָה יֹשֵׁב צִיּוֹן, הַגִּידוּ בָעַמִּים עֲלִילוֹתָיו. יג כִּי דֹרֵשׁ דָּמִים אוֹתָם זָכָר, לֹא שָׁכַח צַעֲקַת עֲנָוִים. יד חָנְנֵנִי יְהוָה, רְאֵה עָנְיִי מִשֹּׂנְאָי, מְרוֹמְמִי מִשַּׁעֲרֵי מָוֶת. טו לְמַעַן אֲסַפְּרָה כָּל תְּהִלָּתֶיךָ, בְּשַׁעֲרֵי בַת צִיּוֹן אָגִילָה בִּישׁוּעָתֶךָ. טז טָבְעוּ גוֹיִם בְּשַׁחַת עָשׂוּ, בְּרֶשֶׁת זוּ טָמָנוּ — נִלְכְּדָה רַגְלָם. יז נוֹדַע יְהוָה מִשְׁפָּט עָשָׂה, בְּפֹעַל כַּפָּיו נוֹקֵשׁ רָשָׁע; הִגָּיוֹן, סֶלָה. יח יָשׁוּבוּ רְשָׁעִים לִשְׁאוֹלָה, כָּל גּוֹיִם שְׁכֵחֵי אֱלֹהִים. יט כִּי לֹא לָנֶצַח יִשָּׁכַח אֶבְיוֹן, תִּקְוַת עֲנִיִּים תֹּאבַד לָעַד. כ קוּמָה יְהוָה אַל יָעֹז אֱנוֹשׁ, יִשָּׁפְטוּ גוֹיִם עַל פָּנֶיךָ. כא שִׁיתָה יְהוָה מוֹרָה לָהֶם, יֵדְעוּ גוֹיִם אֱנוֹשׁ הֵמָּה, סֶּלָה.

מִזְמוֹר י (10)

א לָמָה יְהוָה תַּעֲמֹד בְּרָחוֹק, תַּעְלִים לְעִתּוֹת בַּצָּרָה? ב בְּגַאֲוַת רָשָׁע יִדְלַק עָנִי, יִתָּפְשׂוּ בִּמְזִמּוֹת זוּ חָשָׁבוּ. ג כִּי הִלֵּל רָשָׁע עַל תַּאֲוַת נַפְשׁוֹ, וּבֹצֵעַ בֵּרֵךְ נִאֵץ יְהוָה. ד רָשָׁע כְּגֹבַהּ אַפּוֹ בַּל יִדְרֹשׁ, אֵין אֱלֹהִים כָּל מְזִמּוֹתָיו. ה יָחִילוּ דְרָכָיו בְּכָל עֵת, מָרוֹם מִשְׁפָּטֶיךָ מִנֶּגְדּוֹ, כָּל צוֹרְרָיו יָפִיחַ בָּהֶם. ו אָמַר בְּלִבּוֹ: בַּל אֶמּוֹט לְדֹר וָדֹר, אֲשֶׁר לֹא בְרָע. ז אָלָה פִּיהוּ מָלֵא, וּמִרְמוֹת וָתֹךְ; תַּחַת לְשׁוֹנוֹ, עָמָל וָאָוֶן. ח יֵשֵׁב בְּמַאְרַב חֲצֵרִים, בַּמִּסְתָּרִים יַהֲרֹג נָקִי, עֵינָיו לְחֵלְכָה יִצְפֹּנוּ. ט יֶאֱרֹב בַּמִּסְתָּר כְּאַרְיֵה בְסֻכֹּה, יֶאֱרֹב לַחֲטוֹף עָנִי; יַחְטֹף עָנִי בְּמָשְׁכוֹ — בְרִשְׁתּוֹ. י יִדְכֶּה יָשֹׁחַ, וְנָפַל בַּעֲצוּמָיו חֵילכָּאִים. יא אָמַר בְּלִבּוֹ: שָׁכַח אֵל, הִסְתִּיר פָּנָיו — בַּל רָאָה לָנֶצַח. יב קוּמָה יְהוָה, אֵל נְשָׂא יָדֶךָ, אַל תִּשְׁכַּח עֲנָוִים. יג עַל מֶה נִאֵץ רָשָׁע, אֱלֹהִים? אָמַר בְּלִבּוֹ: לֹא תִּדְרֹשׁ. יד רָאִתָה, כִּי אַתָּה עָמָל, וָכַעַס תַּבִּיט; לָתֵת בְּיָדֶךָ — עָלֶיךָ יַעֲזֹב חֵלֶכָה; יָתוֹם אַתָּה — הָיִיתָ עוֹזֵר. טו שְׁבֹר זְרוֹעַ רָשָׁע, וָרָע תִּדְרוֹשׁ רִשְׁעוֹ, בַל תִּמְצָא. טז יְהוָה מֶלֶךְ עוֹלָם וָעֶד; אָבְדוּ גוֹיִם מֵאַרְצוֹ. יז תַּאֲוַת עֲנָוִים שָׁמַעְתָּ, יְהוָה; תָּכִין לִבָּם, תַּקְשִׁיב אָזְנֶךָ. יח לִשְׁפֹּט יָתוֹם וָדָךְ; בַּל יוֹסִיף עוֹד לַעֲרֹץ אֱנוֹשׁ מִן הָאָרֶץ.

מִזְמוֹר יא (11)

א לַמְנַצֵּחַ, לְדָוִד; בַּיהוָה חָסִיתִי; אֵיךְ תֹּאמְרוּ לְנַפְשִׁי: נוּדִי הַרְכֶם צִפּוֹר. ב כִּי הִנֵּה הָרְשָׁעִים: יִדְרְכוּן קֶשֶׁת, כּוֹנְנוּ חִצָּם עַל יֶתֶר, לִירוֹת בְּמוֹ אֹפֶל — לְיִשְׁרֵי לֵב. ג כִּי הַשָּׁתוֹת יֵהָרֵסוּן, צַדִּיק מַה פָּעָל. ד יְהוָה בְּהֵיכַל קָדְשׁוֹ, יְהוָה בַּשָּׁמַיִם כִּסְאוֹ; עֵינָיו יֶחֱזוּ, עַפְעַפָּיו יִבְחֲנוּ בְּנֵי אָדָם. ה יְהוָה צַדִּיק יִבְחָן, וְרָשָׁע וְאֹהֵב חָמָס — שָׂנְאָה נַפְשׁוֹ. ו יַמְטֵר עַל רְשָׁעִים פַּחִים — אֵשׁ וְגָפְרִית, וְרוּחַ זִלְעָפוֹת מְנָת כּוֹסָם. ז כִּי צַדִּיק יְהוָה! צְדָקוֹת אָהֵב! יָשָׁר יֶחֱזוּ פָנֵימוֹ.

מִזְמוֹר יב (12)

א לַמְנַצֵּחַ, עַל הַשְּׁמִינִית, מִזְמוֹר לְדָוִד. ב הוֹשִׁיעָה יְהוָה, כִּי גָמַר חָסִיד — כִּי פַסּוּ אֱמוּנִים מִבְּנֵי אָדָם. ג שָׁוְא יְדַבְּרוּ — אִישׁ אֶת רֵעֵהוּ, שְׂפַת חֲלָקוֹת — בְּלֵב וָלֵב יְדַבֵּרוּ. ד יַכְרֵת יְהוָה כָּל שִׂפְתֵי חֲלָקוֹת, לָשׁוֹן מְדַבֶּרֶת גְּדֹלוֹת. ה אֲשֶׁר אָמְרוּ: לִלְשֹׁנֵנוּ נַגְבִּיר — שְׂפָתֵינוּ אִתָּנוּ, מִי אָדוֹן לָנוּ?! ו מִשֹּׁד עֲנִיִּים, מֵאַנְקַת אֶבְיוֹנִים — עַתָּה אָקוּם; יֹאמַר יְהוָה; אָשִׁית בְּיֵשַׁע, יָפִיחַ לוֹ. ז אִמְרוֹת יְהוָה — אֲמָרוֹת טְהֹרוֹת, כֶּסֶף צָרוּף, בַּעֲלִיל לָאָרֶץ — מְזֻקָּק שִׁבְעָתָיִם. ח אַתָּה, יְהוָה: תִּשְׁמְרֵם, תִּצְּרֶנּוּ מִן הַדּוֹר זוּ — לְעוֹלָם. ט סָבִיב רְשָׁעִים יִתְהַלָּכוּן, כְּרֻם זֻלּוּת לִבְנֵי אָדָם.

מִזְמוֹר יג (13)

א לַמְנַצֵּחַ, מִזְמוֹר לְדָוִד. ב עַד אָנָה, יְהוָה, תִּשְׁכָּחֵנִי נֶצַח? עַד אָנָה תַּסְתִּיר אֶת פָּנֶיךָ מִמֶּנִּי? ג עַד אָנָה אָשִׁית עֵצוֹת בְּנַפְשִׁי, יָגוֹן בִּלְבָבִי יוֹמָם? עַד אָנָה יָרוּם אֹיְבִי עָלָי? ד הַבִּיטָה, עֲנֵנִי — יְהוָה אֱלֹהָי; הָאִירָה עֵינַי — פֶּן אִישַׁן הַמָּוֶת. ה פֶּן יֹאמַר אֹיְבִי: יְכָלְתִּיו, צָרַי יָגִילוּ, כִּי אֶמּוֹט. ו וַאֲנִי בְּחַסְדְּךָ בָטַחְתִּי, יָגֵל לִבִּי בִּישׁוּעָתֶךָ; אָשִׁירָה לַיהוָה, כִּי גָמַל עָלָי.

מִזְמוֹר יד (14)

א לַמְנַצֵּחַ, לְדָוִד; אָמַר נָבָל בְּלִבּוֹ: אֵין אֱלֹהִים, הִשְׁחִיתוּ הִתְעִיבוּ עֲלִילָה, אֵין עֹשֵׂה טוֹב. ב יְהוָה מִשָּׁמַיִם הִשְׁקִיף עַל בְּנֵי אָדָם, לִרְאוֹת הֲיֵשׁ מַשְׂכִּיל, דֹּרֵשׁ אֶת אֱלֹהִים. ג הַכֹּל סָר יַחְדָּו, נֶאֱלָחוּ אֵין עֹשֵׂה טוֹב, אֵין גַּם אֶחָד. ד הֲלֹא יָדְעוּ כָּל פֹּעֲלֵי אָוֶן, אֹכְלֵי עַמִּי אָכְלוּ לֶחֶם, יְהוָה לֹא קָרָאוּ. ה שָׁם פָּחֲדוּ פָחַד, כִּי אֱלֹהִים בְּדוֹר צַדִּיק. ו עֲצַת עָנִי תָבִישׁוּ, כִּי יְהוָה מַחְסֵהוּ. ז מִי יִתֵּן מִצִּיּוֹן יְשׁוּעַת יִשְׂרָאֵל; בְּשׁוּב יְהוָה שְׁבוּת עַמּוֹ, יָגֵל יַעֲקֹב — יִשְׂמַח יִשְׂרָאֵל.

מִזְמוֹר טו (15)

א מִזְמוֹר לְדָוִד; יְהֹוָה, מִי יָגוּר בְּאָהֳלֶךָ? מִי יִשְׁכֹּן בְּהַר קָדְשֶׁךָ? ב הוֹלֵךְ תָּמִים וּפֹעֵל צֶדֶק, וְדֹבֵר אֱמֶת בִּלְבָבוֹ. ג לֹא רָגַל עַל לְשֹׁנוֹ, לֹא עָשָׂה לְרֵעֵהוּ רָעָה, וְחֶרְפָּה לֹא נָשָׂא עַל קְרֹבוֹ. ד נִבְזֶה בְּעֵינָיו נִמְאָס, וְאֶת יִרְאֵי יְהוָה יְכַבֵּד, נִשְׁבַּע לְהָרַע וְלֹא יָמִר. ה כַּסְפּוֹ לֹא נָתַן בְּנֶשֶׁךְ, וְשֹׁחַד עַל נָקִי לֹא לָקָח, עֹשֵׂה אֵלֶּה — לֹא יִמּוֹט לְעוֹלָם.

מִזְמוֹר טז (16)

א מִכְתָּם לְדָוִד; שָׁמְרֵנִי אֵל, כִּי חָסִיתִי בָךְ. ב אָמַרְתְּ לַיהוָה: אֲדֹנָי אָתָּה! טוֹבָתִי בַּל עָלֶיךָ. ג לִקְדוֹשִׁים אֲשֶׁר בָּאָרֶץ הֵמָּה, וְאַדִּירֵי כָּל חֶפְצִי בָם. ד יִרְבּוּ עַצְּבוֹתָם אַחֵר מָהָרוּ, בַּל אַסִּיךְ נִסְכֵּיהֶם מִדָּם, וּבַל אֶשָּׂא אֶת שְׁמוֹתָם עַל שְׂפָתָי. ה יְהוָה מְנָת חֶלְקִי וְכוֹסִי, אַתָּה תּוֹמִיךְ גּוֹרָלִי. ו חֲבָלִים נָפְלוּ לִי בַּנְּעִמִים, אַף נַחֲלָת שָׁפְרָה עָלָי. ז אֲבָרֵךְ אֶת יְהוָה אֲשֶׁר יְעָצָנִי, אַף לֵילוֹת יִסְּרוּנִי כִלְיוֹתָי. ח שִׁוִּיתִי יְהוָה — לְנֶגְדִּי תָמִיד, כִּי מִימִינִי בַּל אֶמּוֹט. ט לָכֵן שָׂמַח לִבִּי וַיָּגֶל כְּבוֹדִי, אַף בְּשָׂרִי יִשְׁכֹּן לָבֶטַח. י כִּי לֹא תַעֲזֹב נַפְשִׁי לִשְׁאוֹל, לֹא תִתֵּן חֲסִידְךָ לִרְאוֹת שָׁחַת. יא תּוֹדִיעֵנִי אֹרַח חַיִּים שֹׂבַע, שְׂמָחוֹת אֶת פָּנֶיךָ נְעִמוֹת — בִּימִינְךָ נֶצַח.

מִזְמוֹר יז (17)

א תְּפִלָּה לְדָוִד; שִׁמְעָה יְהוָה צֶדֶק, הַקְשִׁיבָה רִנָּתִי, הַאֲזִינָה תְפִלָּתִי, בְּלֹא שִׂפְתֵי מִרְמָה. ב מִלְּפָנֶיךָ מִשְׁפָּטִי יֵצֵא, עֵינֶיךָ תֶּחֱזֶינָה מֵישָׁרִים. ג בָּחַנְתָּ לִבִּי, פָּקַדְתָּ לַּיְלָה, צְרַפְתַּנִי בַל תִּמְצָא, זַמֹּתִי בַּל יַעֲבָר פִּי. ד לִפְעֻלּוֹת אָדָם בִּדְבַר שְׂפָתֶיךָ, אֲנִי שָׁמַרְתִּי אָרְחוֹת פָּרִיץ. ה תָּמֹךְ אֲשֻׁרַי בְּמַעְגְּלוֹתֶיךָ, בַּל נָמוֹטּוּ פְעָמָי. ו אֲנִי קְרָאתִיךָ כִי תַעֲנֵנִי, אֵל: הַט אָזְנְךָ לִי, שְׁמַע אִמְרָתִי. ז הַפְלֵה חֲסָדֶיךָ — מוֹשִׁיעַ חוֹסִים, מִמִּתְקוֹמְמִים בִּימִינֶךָ. ח שָׁמְרֵנִי — כְּאִישׁוֹן בַּת עָיִן, בְּצֵל כְּנָפֶיךָ — תַּסְתִּירֵנִי. ט מִפְּנֵי רְשָׁעִים זוּ שַׁדּוּנִי, אֹיְבַי בְּנֶפֶשׁ יַקִּיפוּ עָלָי. י חֶלְבָּמוֹ סָּגְרוּ, פִּימוֹ דִּבְּרוּ בְגֵאוּת. יא אַשֻּׁרֵינוּ עַתָּה סְבָבוּנוּ, עֵינֵיהֶם יָשִׁיתוּ לִנְטוֹת בָּאָרֶץ. יב דִּמְיֹנוֹ כְּאַרְיֵה — יִכְסוֹף לִטְרוֹף, וְכִכְפִיר — יֹשֵׁב בְּמִסְתָּרִים. יג קוּמָה יְהוָה קַדְּמָה פָנָיו, הַכְרִיעֵהוּ, פַּלְּטָה נַפְשִׁי מֵרָשָׁע חַרְבֶּךָ. יד מִמְתִים יָדְךָ יְהוָה — מִמְתִים מֵחֶלֶד חֶלְקָם בַּחַיִּים, וּצְפוּנְךָ תְּמַלֵּא בִטְנָם; יִשְׂבְּעוּ בָנִים וְהִנִּיחוּ יִתְרָם לְעוֹלְלֵיהֶם. טו אֲנִי בְּצֶדֶק — אֶחֱזֶה פָנֶיךָ, אֶשְׂבְּעָה — בְהָקִיץ תְּמוּנָתֶךָ.

מִזְמוֹר יח (18)

א לַמְנַצֵּחַ, לְעֶבֶד יְהוָה — לְדָוִד, אֲשֶׁר דִּבֶּר לַיהוָה אֶת דִּבְרֵי הַשִּׁירָה הַזֹּאת, בְּיוֹם הִצִּיל יְהוָה אוֹתוֹ מִכַּף כָּל אֹיְבָיו, וּמִיַּד שָׁאוּל. ב וַיֹּאמַר: אֶרְחָמְךָ — יְהוָה חִזְקִי. ג יְהוָה סַלְעִי וּמְצוּדָתִי, וּמְפַלְטִי אֵלִי — צוּרִי אֶחֱסֶה בּוֹ; מָגִנִּי, וְקֶרֶן יִשְׁעִי — מִשְׂגַּבִּי. ד מְהֻלָּל אֶקְרָא יְהוָה, וּמִן אֹיְבַי אִוָּשֵׁעַ. ה אֲפָפוּנִי חֶבְלֵי מָוֶת, וְנַחֲלֵי בְלִיַּעַל יְבַעֲתוּנִי. ו חֶבְלֵי שְׁאוֹל סְבָבוּנִי, קִדְּמוּנִי מוֹקְשֵׁי מָוֶת. ז בַּצַּר לִי — אֶקְרָא יְהוָה, וְאֶל אֱלֹהַי אֲשַׁוֵּעַ; יִשְׁמַע מֵהֵיכָלוֹ קוֹלִי, וְשַׁוְעָתִי לְפָנָיו תָּבוֹא בְאָזְנָיו. ח וַתִּגְעַשׁ וַתִּרְעַשׁ הָאָרֶץ, וּמוֹסְדֵי הָרִים יִרְגָּזוּ, וַיִּתְגָּעֲשׁוּ — כִּי חָרָה לוֹ. ט עָלָה עָשָׁן בְּאַפּוֹ, וְאֵשׁ מִפִּיו תֹּאכֵל; גֶּחָלִים בָּעֲרוּ מִמֶּנּוּ. י וַיֵּט שָׁמַיִם וַיֵּרַד, וַעֲרָפֶל תַּחַת רַגְלָיו. יא וַיִּרְכַּב עַל כְּרוּב וַיָּעֹף, וַיֵּדֶא עַל כַּנְפֵי רוּחַ. יב יָשֶׁת חֹשֶׁךְ — סִתְרוֹ סְבִיבוֹתָיו; סֻכָּתוֹ חֶשְׁכַת מַיִם, עָבֵי שְׁחָקִים. יג מִנֹּגַהּ נֶגְדּוֹ עָבָיו עָבְרוּ, בָּרָד וְגַחֲלֵי אֵשׁ. יד וַיַּרְעֵם בַּשָּׁמַיִם יְהוָה, וְעֶלְיוֹן יִתֵּן קֹלוֹ; בָּרָד וְגַחֲלֵי אֵשׁ. טו וַיִּשְׁלַח חִצָּיו וַיְפִיצֵם, וּבְרָקִים רָב וַיְהֻמֵּם. טז וַיֵּרָאוּ אֲפִיקֵי מַיִם, וַיִּגָּלוּ מוֹסְדוֹת תֵּבֵל; מִגַּעֲרָתְךָ יְהוָה, מִנִּשְׁמַת רוּחַ אַפֶּךָ. יז יִשְׁלַח מִמָּרוֹם יִקָּחֵנִי, יַמְשֵׁנִי מִמַּיִם רַבִּים. יח יַצִּילֵנִי מֵאֹיְבִי עָז, וּמִשֹּׂנְאַי כִּי אָמְצוּ מִמֶּנִּי. יט יְקַדְּמוּנִי בְיוֹם אֵידִי, וַיְהִי יְהוָה לְמִשְׁעָן לִי. כ וַיּוֹצִיאֵנִי לַמֶּרְחָב — יְחַלְּצֵנִי, כִּי חָפֵץ בִּי. כא יִגְמְלֵנִי יְהוָה כְּצִדְקִי, כְּבֹר יָדַי יָשִׁיב לִי. כב כִּי שָׁמַרְתִּי דַּרְכֵי יְהוָה, וְלֹא רָשַׁעְתִּי מֵאֱלֹהָי. כג כִּי כָל מִשְׁפָּטָיו לְנֶגְדִּי, וְחֻקֹּתָיו לֹא אָסִיר מֶנִּי. כד וָאֱהִי תָמִים עִמּוֹ, וָאֶשְׁתַּמֵּר מֵעֲוֹנִי. כה וַיָּשֶׁב יְהוָה לִי כְצִדְקִי, כְּבֹר יָדַי לְנֶגֶד עֵינָיו. כו עִם חָסִיד — תִּתְחַסָּד, עִם גְּבַר תָּמִים — תִּתַּמָּם. כז עִם נָבָר — תִּתְבָּרָר, וְעִם עִקֵּשׁ — תִּתְפַּתָּל. כח כִּי אַתָּה, עַם עָנִי — תוֹשִׁיעַ, וְעֵינַיִם רָמוֹת — תַּשְׁפִּיל. כט כִּי אַתָּה — תָּאִיר נֵרִי, יְהוָה אֱלֹהַי — יַגִּיהַּ חָשְׁכִּי. ל כִּי בְךָ אָרֻץ גְּדוּד, וּבֵאלֹהַי אֲדַלֶּג שׁוּר. לא הָאֵל תָּמִים דַּרְכּוֹ, אִמְרַת יְהוָה צְרוּפָה; מָגֵן הוּא לְכֹל הַחֹסִים בּוֹ. לב כִּי מִי אֱלוֹהַּ מִבַּלְעֲדֵי יְהוָה?! וּמִי צוּר זוּלָתִי אֱלֹהֵינוּ?! לג הָאֵל הַמְאַזְּרֵנִי חָיִל, וַיִּתֵּן תָּמִים דַּרְכִּי. לד מְשַׁוֶּה רַגְלַי כָּאַיָּלוֹת, וְעַל בָּמֹתַי יַעֲמִידֵנִי. לה מְלַמֵּד יָדַי לַמִּלְחָמָה, וְנִחֲתָה קֶשֶׁת נְחוּשָׁה זְרוֹעֹתָי. לו וַתִּתֶּן לִי מָגֵן יִשְׁעֶךָ וִימִינְךָ תִסְעָדֵנִי, וְעַנְוַתְךָ תַרְבֵּנִי. לז תַּרְחִיב צַעֲדִי תַחְתָּי, וְלֹא מָעֲדוּ קַרְסֻלָּי. לח אֶרְדּוֹף אוֹיְבַי וְאַשִּׂיגֵם, וְלֹא אָשׁוּב עַד כַּלּוֹתָם. לט אֶמְחָצֵם וְלֹא יֻכְלוּ קוּם, יִפְּלוּ תַּחַת רַגְלָי. מ וַתְּאַזְּרֵנִי חַיִל לַמִּלְחָמָה, תַּכְרִיעַ קָמַי תַּחְתָּי. מא וְאֹיְבַי נָתַתָּה לִּי עֹרֶף, וּמְשַׂנְאַי אַצְמִיתֵם. מב יְשַׁוְּעוּ וְאֵין מוֹשִׁיעַ, עַל יְהוָה וְלֹא עָנָם. מג וְאֶשְׁחָקֵם כְּעָפָר עַל פְּנֵי רוּחַ, כְּטִיט חוּצוֹת אֲרִיקֵם. מד תְּפַלְּטֵנִי מֵרִיבֵי עָם, תְּשִׂימֵנִי לְרֹאשׁ גּוֹיִם; עַם לֹא יָדַעְתִּי — יַעַבְדוּנִי. מה לְשֵׁמַע אֹזֶן יִשָּׁמְעוּ לִי, בְּנֵי נֵכָר יְכַחֲשׁוּ לִי. מו בְּנֵי נֵכָר יִבֹּלוּ, וְיַחְרְגוּ מִמִּסְגְּרוֹתֵיהֶם. מז חַי יְהוָה וּבָרוּךְ צוּרִי, וְיָרוּם אֱלוֹהֵי יִשְׁעִי. מח הָאֵל הַנּוֹתֵן נְקָמוֹת לִי, וַיַּדְבֵּר עַמִּים תַּחְתָּי. מט מְפַלְּטִי מֵאֹיְבָי, אַף מִן קָמַי תְּרוֹמְמֵנִי, מֵאִישׁ חָמָס תַּצִּילֵנִי. נ עַל כֵּן אוֹדְךָ בַגּוֹיִם יְהוָה, וּלְשִׁמְךָ אֲזַמֵּרָה. נא מַגְדִּיל יְשׁוּעוֹת מַלְכּוֹ וְעֹשֶׂה חֶסֶד לִמְשִׁיחוֹ, לְדָוִד וּלְזַרְעוֹ — עַד עוֹלָם.

מִזְמוֹר יט (19)

א לַמְנַצֵּחַ, מִזְמוֹר לְדָוִד. ב הַשָּׁמַיִם מְסַפְּרִים כְּבוֹד אֵל, וּמַעֲשֵׂה יָדָיו מַגִּיד הָרָקִיעַ. ג יוֹם לְיוֹם- יַבִּיעַ אֹמֶר, וְלַיְלָה לְּלַיְלָה- יְחַוֶּה דָּעַת. ד אֵין אֹמֶר וְאֵין דְּבָרִים, בְּלִי נִשְׁמָע קוֹלָם. ה בְּכָל הָאָרֶץ יָצָא קַוָּם, וּבִקְצֵה תֵבֵל מִלֵּיהֶם, לַשֶּׁמֶשׁ שָׂם אֹהֶל בָּהֶם. ו וְהוּא כְּחָתָן יֹצֵא מֵחֻפָּתוֹ, יָשִׂישׂ כְּגִבּוֹר לָרוּץ אֹרַח. ז מִקְצֵה הַשָּׁמַיִם מוֹצָאוֹ, וּתְקוּפָתוֹ עַל קְצוֹתָם, וְאֵין נִסְתָּר מֵחַמָּתוֹ. ח תּוֹרַת יְהוָה תְּמִימָה — מְשִׁיבַת נָפֶשׁ, עֵדוּת יְהוָה נֶאֱמָנָה — מַחְכִּימַת פֶּתִי. ט פִּקּוּדֵי יְהוָה יְשָׁרִים — מְשַׂמְּחֵי לֵב, מִצְוַת יְהוָה בָּרָה — מְאִירַת עֵינָיִם. י יִרְאַת יְהוָה טְהוֹרָה — עוֹמֶדֶת לָעַד, מִשְׁפְּטֵי יְהוָה — אֱמֶת, צָדְקוּ יַחְדָּו. יא הַנֶּחֱמָדִים מִזָּהָב וּמִפַּז רָב, וּמְתוּקִים מִדְּבַשׁ וְנֹפֶת צוּפִים. יב גַּם עַבְדְּךָ נִזְהָר בָּהֶם, בְּשָׁמְרָם עֵקֶב רָב. יג שְׁגִיאוֹת, מִי יָבִין? מִנִּסְתָּרוֹת — נַקֵּנִי. יד גַּם מִזֵּדִים חֲשֹׂךְ עַבְדֶּךָ, אַל יִמְשְׁלוּ בִי — אָז אֵיתָם, וְנִקֵּיתִי מִפֶּשַׁע רָב. טו יִהְיוּ לְרָצוֹן אִמְרֵי פִי, וְהֶגְיוֹן לִבִּי לְפָנֶיךָ, יְהוָה — צוּרִי וְגֹאֲלִי.

מִזְמוֹר כ (20)

א לַמְנַצֵּחַ, מִזְמוֹר לְדָוִד. ב יַעַנְךָ יְהוָה בְּיוֹם צָרָה, יְשַׂגֶּבְךָ שֵׁם אֱלֹהֵי יַעֲקֹב. ג יִשְׁלַח עֶזְרְךָ מִקֹּדֶשׁ, וּמִצִּיּוֹן יִסְעָדֶךָּ. ד יִזְכֹּר כָּל מִנְחֹתֶךָ, וְעוֹלָתְךָ יְדַשְּׁנֶה, סֶלָה. ה יִתֶּן לְךָ כִלְבָבֶךָ, וְכָל עֲצָתְךָ יְמַלֵּא. ו נְרַנְּנָה בִּישׁוּעָתֶךָ, וּבְשֵׁם אֱלֹהֵינוּ נִדְגֹּל, יְמַלֵּא יְהוָה כָּל מִשְׁאֲלוֹתֶיךָ ז עַתָּה יָדַעְתִּי, כִּי הוֹשִׁיעַ יְהוָה מְשִׁיחוֹ, יַעֲנֵהוּ מִשְּׁמֵי קָדְשׁוֹ, בִּגְבֻרוֹת יֵשַׁע יְמִינוֹ. ח אֵלֶּה בָרֶכֶב וְאֵלֶּה בַסּוּסִים, וַאֲנַחְנוּ בְּשֵׁם יְהוָה — אֱלֹהֵינוּ נַזְכִּיר. ט הֵמָּה כָּרְעוּ וְנָפָלוּ, וַאֲנַחְנוּ קַּמְנוּ וַנִּתְעוֹדָד. י יְהוָה הוֹשִׁיעָה, הַמֶּלֶךְ יַעֲנֵנוּ בְיוֹם קָרְאֵנוּ.

מִזְמוֹר כא (21)

א לַמְנַצֵּחַ, מִזְמוֹר לְדָוִד. ב יְהוָה בְּעָזְּךָ יִשְׂמַח מֶלֶךְ, וּבִישׁוּעָתְךָ מַה יָּגֶיל מְאֹד. ג תַּאֲוַת לִבּוֹ נָתַתָּה לּוֹ, וַאֲרֶשֶׁת שְׂפָתָיו בַּל מָנַעְתָּ, סֶּלָה. ד כִּי תְקַדְּמֶנּוּ בִּרְכוֹת טוֹב, תָּשִׁית לְרֹאשׁוֹ עֲטֶרֶת פָּז. ה חַיִּים שָׁאַל מִמְּךָ — נָתַתָּה לּוֹ, אֹרֶךְ יָמִים עוֹלָם וָעֶד. ו גָּדוֹל כְּבוֹדוֹ בִּישׁוּעָתֶךָ, הוֹד וְהָדָר תְּשַׁוֶּה עָלָיו. ז כִּי תְשִׁיתֵהוּ בְרָכוֹת לָעַד, תְּחַדֵּהוּ בְשִׂמְחָה אֶת פָּנֶיךָ. ח כִּי הַמֶּלֶךְ — בֹּטֵחַ בַּיהוָה, וּבְחֶסֶד עֶלְיוֹן — בַּל יִמּוֹט. ט תִּמְצָא יָדְךָ לְכָל אֹיְבֶיךָ, יְמִינְךָ תִּמְצָא שֹׂנְאֶיךָ. י תְּשִׁיתֵמוֹ כְּתַנּוּר אֵשׁ, לְעֵת פָּנֶיךָ יְהוָה; בְּאַפּוֹ יְבַלְּעֵם וְתֹאכְלֵם אֵשׁ. יא פִּרְיָמוֹ מֵאֶרֶץ תְּאַבֵּד, וְזַרְעָם מִבְּנֵי אָדָם. יב כִּי נָטוּ עָלֶיךָ רָעָה, חָשְׁבוּ מְזִמָּה — בַּל יוּכָלוּ. יג כִּי תְּשִׁיתֵמוֹ שֶׁכֶם, בְּמֵיתָרֶיךָ תְּכוֹנֵן עַל פְּנֵיהֶם. יד רוּמָה יְהוָה בְּעֻזֶּךָ, נָשִׁירָה וּנְזַמְּרָה גְּבוּרָתֶךָ.

מִזְמוֹר כב (22)

א לַמְנַצֵּחַ, עַל אַיֶּלֶת הַשַּׁחַר, מִזְמוֹר לְדָוִד. ב אֵלִי אֵלִי, לָמָה עֲזַבְתָּנִי? רָחוֹק מִישׁוּעָתִי דִּבְרֵי שַׁאֲגָתִי. ג אֱלֹהַי, אֶקְרָא יוֹמָם וְלֹא תַעֲנֶה, וְלַיְלָה וְלֹא דוּמִיָּה לִי. ד וְאַתָּה קָדוֹשׁ, יוֹשֵׁב תְּהִלּוֹת יִשְׂרָאֵל. ה בְּךָ בָּטְחוּ אֲבֹתֵינוּ, בָּטְחוּ וַתְּפַלְּטֵמוֹ. ו אֵלֶיךָ זָעֲקוּ וְנִמְלָטוּ, בְּךָ בָטְחוּ וְלֹא בוֹשׁוּ. ז וְאָנֹכִי תוֹלַעַת וְלֹא אִישׁ, חֶרְפַּת אָדָם וּבְזוּי עָם. ח כָּל רֹאַי יַלְעִגוּ לִי, יַפְטִירוּ בְשָׂפָה יָנִיעוּ רֹאשׁ. ט גֹּל אֶל יְהוָה — יְפַלְּטֵהוּ, יַצִּילֵהוּ, כִּי חָפֵץ בּוֹ. י כִּי אַתָּה גֹחִי מִבָּטֶן, מַבְטִיחִי עַל שְׁדֵי אִמִּי. יא עָלֶיךָ הָשְׁלַכְתִּי מֵרָחֶם, מִבֶּטֶן אִמִּי — אֵלִי אָתָּה. יב אַל תִּרְחַק מִמֶּנִּי, כִּי צָרָה קְרוֹבָה, כִּי אֵין עוֹזֵר. יג סְבָבוּנִי פָּרִים רַבִּים, אַבִּירֵי בָשָׁן כִּתְּרוּנִי. יד פָּצוּ עָלַי פִּיהֶם, אַרְיֵה טֹרֵף וְשֹׁאֵג. טו כַּמַּיִם נִשְׁפַּכְתִּי וְהִתְפָּרְדוּ, כָּל עַצְמוֹתָי הָיָה לִבִּי, כַּדּוֹנָג נָמֵס בְּתוֹךְ מֵעָי. טז יָבֵשׁ כַּחֶרֶשׂ כֹּחִי, וּלְשׁוֹנִי מֻדְבָּק מַלְקוֹחָי, וְלַעֲפַר מָוֶת תִּשְׁפְּתֵנִי. יז כִּי סְבָבוּנִי כְּלָבִים, עֲדַת מְרֵעִים הִקִּיפוּנִי, כָּאֲרִי יָדַי וְרַגְלָי. יח אֲסַפֵּר כָּל עַצְמוֹתָי, הֵמָּה יַבִּיטוּ יִרְאוּ בִי. יט יְחַלְּקוּ בְגָדַי לָהֶם, וְעַל לְבוּשִׁי יַפִּילוּ גוֹרָל. כ וְאַתָּה, יְהוָה: אַל תִּרְחָק אֱיָלוּתִי, לְעֶזְרָתִי חוּשָׁה. כא הַצִּילָה מֵחֶרֶב נַפְשִׁי, מִיַּד כֶּלֶב יְחִידָתִי. כב הוֹשִׁיעֵנִי מִפִּי אַרְיֵה, וּמִקַּרְנֵי רֵמִים עֲנִיתָנִי. כג אֲסַפְּרָה שִׁמְךָ לְאֶחָי, בְּתוֹךְ קָהָל אֲהַלְלֶךָּ. כד יִרְאֵי יְהוָה הַלְלוּהוּ, כָּל זֶרַע יַעֲקֹב כַּבְּדוּהוּ, וְגוּרוּ מִמֶּנּוּ כָּל זֶרַע יִשְׂרָאֵל. כה כִּי לֹא בָזָה וְלֹא שִׁקַּץ עֱנוּת עָנִי, וְלֹא הִסְתִּיר פָּנָיו מִמֶּנּוּ, וּבְשַׁוְּעוֹ אֵלָיו — שָׁמֵעַ. כו מֵאִתְּךָ תְּהִלָּתִי בְּקָהָל רָב, נְדָרַי אֲשַׁלֵּם נֶגֶד יְרֵאָיו. כז יֹאכְלוּ עֲנָוִים וְיִשְׂבָּעוּ, יְהַלְלוּ יְהוָה דֹּרְשָׁיו, יְחִי לְבַבְכֶם לָעַד. כח יִזְכְּרוּ וְיָשֻׁבוּ אֶל יְהוָה כָּל אַפְסֵי אָרֶץ, וְיִשְׁתַּחֲווּ לְפָנֶיךָ כָּל מִשְׁפְּחוֹת גּוֹיִם. כט כִּי לַיהוָה הַמְּלוּכָה וּמֹשֵׁל בַּגּוֹיִם. ל אָכְלוּ וַיִּשְׁתַּחֲוּוּ כָּל דִּשְׁנֵי אֶרֶץ, לְפָנָיו יִכְרְעוּ כָּל יוֹרְדֵי עָפָר, וְנַפְשׁוֹ לֹא חִיָּה. לא זֶרַע יַעַבְדֶנּוּ, יְסֻפַּר לַאדֹנָי לַדּוֹר. לב יָבֹאוּ וְיַגִּידוּ צִדְקָתוֹ, לְעַם נוֹלָד כִּי עָשָׂה.

מִזְמוֹר כג (23)

א מִזְמוֹר לְדָוִד; יְהוָה רֹעִי לֹא אֶחְסָר. ב בִּנְאוֹת דֶּשֶׁא יַרְבִּיצֵנִי, עַל מֵי מְנֻחוֹת יְנַהֲלֵנִי. ג נַפְשִׁי יְשׁוֹבֵב, יַנְחֵנִי בְמַעְגְּלֵי צֶדֶק לְמַעַן שְׁמוֹ. ד גַּם כִּי אֵלֵךְ בְּגֵיא צַלְמָוֶת, לֹא אִירָא רָע, כִּי אַתָּה עִמָּדִי; שִׁבְטְךָ וּמִשְׁעַנְתֶּךָ, הֵמָּה יְנַחֲמֻנִי. ה תַּעֲרֹךְ לְפָנַי שֻׁלְחָן נֶגֶד צֹרְרָי; דִּשַּׁנְתָּ בַשֶּׁמֶן רֹאשִׁי, כּוֹסִי רְוָיָה. ו אַךְ טוֹב וָחֶסֶד יִרְדְּפוּנִי כָּל יְמֵי חַיָּי, וְשַׁבְתִּי בְּבֵית יְהוָה לְאֹרֶךְ יָמִים.

מִזְמוֹר כד (24)

א לְדָוִד מִזְמוֹר; לַיהוָה הָאָרֶץ וּמְלוֹאָהּ, תֵּבֵל וְיֹשְׁבֵי בָהּ. ב כִּי הוּא עַל יַמִּים יְסָדָהּ, וְעַל נְהָרוֹת יְכוֹנְנֶהָ. ג מִי יַעֲלֶה בְהַר יְהוָה, וּמִי יָקוּם בִּמְקוֹם קָדְשׁוֹ? ד נְקִי כַפַּיִם וּבַר לֵבָב, אֲשֶׁר לֹא נָשָׂא לַשָּׁוְא נַפְשִׁי, וְלֹא נִשְׁבַּע לְמִרְמָה. ה יִשָּׂא בְרָכָה מֵאֵת יְהוָה, וּצְדָקָה מֵאֱלֹהֵי יִשְׁעוֹ. ו זֶה דּוֹר דֹּרְשָׁיו, מְבַקְשֵׁי פָנֶיךָ יַעֲקֹב, סֶלָה. ז שְׂאוּ שְׁעָרִים רָאשֵׁיכֶם, וְהִנָּשְׂאוּ פִּתְחֵי עוֹלָם, וְיָבוֹא מֶלֶךְ הַכָּבוֹד. ח מִי זֶה מֶלֶךְ הַכָּבוֹד?! יְהוָה עִזּוּז וְגִבּוֹר, יְהוָה גִּבּוֹר מִלְחָמָה. ט שְׂאוּ שְׁעָרִים רָאשֵׁיכֶם, וּשְׂאוּ פִּתְחֵי עוֹלָם, וְיָבֹא מֶלֶךְ הַכָּבוֹד. י מִי הוּא זֶה מֶלֶךְ הַכָּבוֹד?! יְהוָה צְבָאוֹת, הוּא מֶלֶךְ הַכָּבוֹד! סֶלָה.

מִזְמוֹר כה (25)

א לְדָוִד; אֵלֶיךָ יְהוָה נַפְשִׁי אֶשָּׂא. ב אֱלֹהַי בְּךָ בָטַחְתִּי, אַל אֵבוֹשָׁה, אַל יַעַלְצוּ אֹיְבַי לִי. ג גַּם כָּל קֹוֶיךָ לֹא יֵבֹשׁוּ, יֵבֹשׁוּ הַבּוֹגְדִים רֵיקָם. ד דְּרָכֶיךָ יְהוָה הוֹדִיעֵנִי, אֹרְחוֹתֶיךָ לַמְּדֵנִי. ה הַדְרִיכֵנִי בַאֲמִתֶּךָ וְלַמְּדֵנִי, כִּי אַתָּה אֱלֹהֵי יִשְׁעִי; אוֹתְךָ קִוִּיתִי כָּל הַיּוֹם. ו זְכֹר רַחֲמֶיךָ יְהוָה, וַחֲסָדֶיךָ כִּי מֵעוֹלָם הֵמָּה. ז חַטֹּאות נְעוּרַי וּפְשָׁעַי אַל תִּזְכֹּר, כְּחַסְדְּךָ זְכָר לִי אַתָּה, לְמַעַן טוּבְךָ יְהוָה. ח טוֹב וְיָשָׁר יְהוָה, עַל כֵּן יוֹרֶה חַטָּאִים בַּדָּרֶךְ. ט יַדְרֵךְ עֲנָוִים בַּמִּשְׁפָּט, וִילַמֵּד עֲנָוִים דַּרְכּוֹ. י כָּל אָרְחוֹת יְהוָה חֶסֶד וֶאֱמֶת, לְנֹצְרֵי בְרִיתוֹ וְעֵדֹתָיו. יא לְמַעַן שִׁמְךָ יְהוָה, וְסָלַחְתָּ לַעֲוֹנִי כִּי רַב הוּא. יב מִי זֶה הָאִישׁ יְרֵא יְהוָה? יוֹרֶנּוּ בְּדֶרֶךְ יִבְחָר. יג נַפְשׁוֹ בְּטוֹב תָּלִין, וְזַרְעוֹ יִירַשׁ אָרֶץ. יד סוֹד יְהוָה לִירֵאָיו, וּבְרִיתוֹ לְהוֹדִיעָם. טו עֵינַי תָּמִיד אֶל יְהוָה, כִּי הוּא יוֹצִיא מֵרֶשֶׁת רַגְלָי. טז פְּנֵה אֵלַי וְחָנֵּנִי, כִּי יָחִיד וְעָנִי אָנִי. יז צָרוֹת לְבָבִי הִרְחִיבוּ, מִמְּצוּקוֹתַי הוֹצִיאֵנִי. יח רְאֵה עָנְיִי וַעֲמָלִי, וְשָׂא לְכָל חַטֹּאותָי. יט רְאֵה אוֹיְבַי כִּי רָבּוּ, וְשִׂנְאַת חָמָס שְׂנֵאוּנִי. כ שָׁמְרָה נַפְשִׁי וְהַצִּילֵנִי — אַל אֵבוֹשׁ, כִּי חָסִיתִי בָךְ. כא תֹּם וָיֹשֶׁר יִצְּרוּנִי, כִּי קִוִּיתִיךָ. כב פְּדֵה — אֱלֹהִים — אֶת יִשְׂרָאֵל, מִכֹּל צָרוֹתָיו.

מִזְמוֹר כו (26)

א לְדָוִד; שָׁפְטֵנִי יְהוָה, כִּי אֲנִי בְּתֻמִּי הָלַכְתִּי, וּבַיהוָה בָּטַחְתִּי — לֹא אֶמְעָד. ב בְּחָנֵנִי יְהוָה וְנַסֵּנִי, צָרְפָה כִלְיוֹתַי וְלִבִּי. ג כִּי חַסְדְּךָ לְנֶגֶד עֵינָי, וְהִתְהַלַּכְתִּי בַּאֲמִתֶּךָ. ד לֹא יָשַׁבְתִּי עִם מְתֵי שָׁוְא, וְעִם נַעֲלָמִים — לֹא אָבוֹא. ה שָׂנֵאתִי קְהַל מְרֵעִים, וְעִם רְשָׁעִים — לֹא אֵשֵׁב. ו אֶרְחַץ בְּנִקָּיוֹן כַּפָּי, וַאֲסֹבְבָה אֶת מִזְבַּחֲךָ, יְהוָה. ז לַשְׁמִעַ בְּקוֹל תּוֹדָה, וּלְסַפֵּר כָּל נִפְלְאוֹתֶיךָ. ח יְהוָה אָהַבְתִּי מְעוֹן בֵּיתֶךָ, וּמְקוֹם מִשְׁכַּן כְּבוֹדֶךָ. ט אַל תֶּאֱסֹף עִם חַטָּאִים נַפְשִׁי, וְעִם אַנְשֵׁי דָמִים חַיָּי. י אֲשֶׁר בִּידֵיהֶם — זִמָּה, וִימִינָם — מָלְאָה שֹּׁחַד. יא וַאֲנִי בְּתֻמִּי אֵלֵךְ, פְּדֵנִי וְחָנֵּנִי. יב רַגְלִי עָמְדָה בְמִישׁוֹר, בְּמַקְהֵלִים אֲבָרֵךְ — יְהוָה.

מִזְמוֹר כז (27)

א לְדָוִד; יְהוָה אוֹרִי וְיִשְׁעִי — מִמִּי אִירָא?! יְהוָה מָעוֹז חַיַּי — מִמִּי אֶפְחָד?! ב בִּקְרֹב עָלַי מְרֵעִים, לֶאֱכֹל אֶת בְּשָׂרִי; צָרַי וְאֹיְבַי לִי, הֵמָּה כָשְׁלוּ וְנָפָלוּ. ג אִם תַּחֲנֶה עָלַי מַחֲנֶה, לֹא יִירָא לִבִּי; אִם תָּקוּם עָלַי מִלְחָמָה, בְּזֹאת אֲנִי בוֹטֵחַ. ד אַחַת שָׁאַלְתִּי מֵאֵת יְהוָה — אוֹתָהּ אֲבַקֵּשׁ; שִׁבְתִּי בְּבֵית יְהוָה כָּל יְמֵי חַיַּי, לַחֲזוֹת בְּנֹעַם יְהוָה וּלְבַקֵּר בְּהֵיכָלוֹ. ה כִּי יִצְפְּנֵנִי בְּסֻכֹּה בְּיוֹם רָעָה, יַסְתִּרֵנִי בְּסֵתֶר אָהֳלוֹ — בְּצוּר יְרוֹמְמֵנִי. ו וְעַתָּה יָרוּם רֹאשִׁי עַל אֹיְבַי סְבִיבוֹתַי, וְאֶזְבְּחָה בְאָהֳלוֹ זִבְחֵי תְרוּעָה; אָשִׁירָה וַאֲזַמְּרָה לַיהוָה. ז שְׁמַע יְהוָה קוֹלִי; אֶקְרָא וְחָנֵּנִי וַעֲנֵנִי. ח לְךָ, אָמַר לִבִּי: בַּקְּשׁוּ פָנָי אֶת פָּנֶיךָ, יְהוָה אֲבַקֵּשׁ. ט אַל תַּסְתֵּר פָּנֶיךָ מִמֶּנִּי, אַל תַּט בְּאַף עַבְדֶּךָ; עֶזְרָתִי הָיִיתָ, אַל תִּטְּשֵׁנִי וְאַל תַּעַזְבֵנִי אֱלֹהֵי יִשְׁעִי. י כִּי אָבִי וְאִמִּי עֲזָבוּנִי, וַיהוָה יַאַסְפֵנִי. יא הוֹרֵנִי יְהוָה דַּרְכֶּךָ, וּנְחֵנִי בְּאֹרַח מִישׁוֹר — לְמַעַן שׁוֹרְרָי. יב אַל תִּתְּנֵנִי בְּנֶפֶשׁ צָרָי, כִּי קָמוּ בִי עֵדֵי שֶׁקֶר וִיפֵחַ חָמָס. יג לוּלֵא הֶאֱמַנְתִּי לִרְאוֹת בְּטוּב יְהוָה, בְּאֶרֶץ חַיִּים. יד קַוֵּה אֶל יְהוָה חֲזַק וְיַאֲמֵץ לִבֶּךָ, וְקַוֵּה אֶל יְהוָה.

מִזְמוֹר כח (28)

א לְדָוִד; אֵלֶיךָ יְהוָה אֶקְרָא; צוּרִי, אַל תֶּחֱרַשׁ מִמֶּנִּי, פֶּן תֶּחֱשֶׁה מִמֶּנִּי וְנִמְשַׁלְתִּי עִם יוֹרְדֵי בוֹר. ב שְׁמַע קוֹל תַּחֲנוּנַי בְּשַׁוְּעִי אֵלֶיךָ, בְּנָשְׂאִי יָדַי אֶל דְּבִיר קָדְשֶׁךָ. ג אַל תִּמְשְׁכֵנִי עִם רְשָׁעִים וְעִם פֹּעֲלֵי אָוֶן; דֹּבְרֵי שָׁלוֹם עִם רֵעֵיהֶם, וְרָעָה בִּלְבָבָם. ד תֶּן לָהֶם כְּפָעֳלָם וּכְרֹעַ מַעַלְלֵיהֶם; כְּמַעֲשֵׂה יְדֵיהֶם תֵּן לָהֶם, הָשֵׁב גְּמוּלָם לָהֶם. ה כִּי לֹא יָבִינוּ אֶל פְּעֻלֹּת יְהוָה, וְאֶל מַעֲשֵׂה יָדָיו; יֶהֶרְסֵם וְלֹא יִבְנֵם. ו בָּרוּךְ יְהוָה, כִּי שָׁמַע קוֹל תַּחֲנוּנָי. ז יְהוָה עֻזִּי וּמָגִנִּי, בּוֹ בָטַח לִבִּי וְנֶעֱזָרְתִּי; וַיַּעֲלֹז לִבִּי וּמִשִּׁירִי אֲהוֹדֶנּוּ. ח יְהוָה עֹז לָמוֹ, וּמָעוֹז יְשׁוּעוֹת מְשִׁיחוֹ — הוּא. ט הוֹשִׁיעָה אֶת עַמֶּךָ וּבָרֵךְ אֶת נַחֲלָתֶךָ, וּרְעֵם וְנַשְּׂאֵם — עַד הָעוֹלָם.

מִזְמוֹר כט (29)

א מִזְמוֹר לְדָוִד; הָבוּ לַיהוָה: בְּנֵי אֵלִים, הָבוּ לַיהוָה: כָּבוֹד וָעֹז. ב הָבוּ לַיהוָה: כְּבוֹד שְׁמוֹ, הִשְׁתַּחֲווּ לַיהוָה — בְּהַדְרַת קֹדֶשׁ. ג קוֹל יְהוָה עַל — הַמָּיִם, אֵל הַכָּבוֹד — הִרְעִים, יְהוָה — עַל מַיִם רַבִּים. ד קוֹל יְהוָה — בַּכֹּחַ, קוֹל יְהוָה — בֶּהָדָר. ה קוֹל יְהוָה — שֹׁבֵר אֲרָזִים, וַיְשַׁבֵּר יְהוָה אֶת אַרְזֵי הַלְּבָנוֹן. ו וַיַּרְקִידֵם כְּמוֹ עֵגֶל לְבָנוֹן, וְשִׂרְיֹן כְּמוֹ בֶן רְאֵמִים. ז קוֹל יְהוָה — חֹצֵב לַהֲבוֹת אֵשׁ. ח קוֹל יְהוָה — יָחִיל מִדְבָּר, יָחִיל יְהוָה מִדְבַּר קָדֵשׁ. ט קוֹל יְהוָה — יְחוֹלֵל אַיָּלוֹת, וַיֶּחֱשֹׂף יְעָרוֹת; וּבְהֵיכָלוֹ כֻּלּוֹ, אֹמֵר כָּבוֹד. י יְהוָה — לַמַּבּוּל יָשָׁב, וַיֵּשֶׁב יְהוָה מֶלֶךְ לְעוֹלָם. יא יְהוָה, עֹז לְעַמּוֹ יִתֵּן; יְהוָה, יְבָרֵךְ אֶת עַמּוֹ בַשָּׁלוֹם.

מִזְמוֹר ל (30)

א מִזְמוֹר שִׁיר — חֲנֻכַּת הַבַּיִת לְדָוִד. ב אֲרוֹמִמְךָ יְהוָה כִּי דִלִּיתָנִי, וְלֹא שִׂמַּחְתָּ אֹיְבַי לִי. ג יְהוָה — אֱלֹהָי שִׁוַּעְתִּי אֵלֶיךָ וַתִּרְפָּאֵנִי. ד יְהוָה — הֶעֱלִיתָ מִן שְׁאוֹל נַפְשִׁי, חִיִּיתַנִי מִיָּרְדִי בוֹר. ה זַמְּרוּ לַיהוָה חֲסִידָיו, וְהוֹדוּ לְזֵכֶר קָדְשׁוֹ. ו כִּי רֶגַע בְּאַפּוֹ חַיִּים, בִּרְצוֹנוֹ — בָּעֶרֶב יָלִין בֶּכִי וְלַבֹּקֶר רִנָּה. ז וַאֲנִי אָמַרְתִּי: בְשַׁלְוִי, בַּל אֶמּוֹט לְעוֹלָם. ח יְהוָה — בִּרְצוֹנְךָ הֶעֱמַדְתָּה לְהַרְרִי עֹז, הִסְתַּרְתָּ פָנֶיךָ — הָיִיתִי נִבְהָל. ט אֵלֶיךָ — יְהוָה אֶקְרָא, וְאֶל אֲדֹנָי — אֶתְחַנָּן. י מַה בֶּצַע בְּדָמִי, בְּרִדְתִּי אֶל שָׁחַת; הֲיוֹדְךָ עָפָר, הֲיַגִּיד אֲמִתֶּךָ. יא שְׁמַע יְהוָה: וְחָנֵּנִי — יְהוָה הֱיֵה עֹזֵר לִי. יב הָפַכְתָּ מִסְפְּדִי — לְמָחוֹל לִי, פִּתַּחְתָּ שַׂקִּי — וַתְּאַזְּרֵנִי שִׂמְחָה. יג לְמַעַן יְזַמֶּרְךָ כָבוֹד, וְלֹא יִדֹּם; יְהוָה אֱלֹהַי — לְעוֹלָם אוֹדֶךָּ!

מִזְמוֹר לא (31)

א לַמְנַצֵּחַ, מִזְמוֹר לְדָוִד. ב בְּךָ יְהוָה חָסִיתִי, אַל אֵבוֹשָׁה לְעוֹלָם; בְּצִדְקָתְךָ — פַלְּטֵנִי. ג הַטֵּה אֵלַי אָזְנְךָ — מְהֵרָה הַצִּילֵנִי; הֱיֵה לִי לְצוּר — מָעוֹז לְבֵית מְצוּדוֹת, לְהוֹשִׁיעֵנִי. ד כִּי סַלְעִי וּמְצוּדָתִי — אָתָּה; וּלְמַעַן שִׁמְךָ — תַּנְחֵנִי וּתְנַהֲלֵנִי. ה תּוֹצִיאֵנִי מֵרֶשֶׁת זוּ — טָמְנוּ לִי, כִּי אַתָּה מָעוּזִּי. ו בְּיָדְךָ אַפְקִיד רוּחִי, פָּדִיתָה אוֹתִי; יְהוָה, אֵל אֱמֶת! ז שָׂנֵאתִי הַשֹּׁמְרִים — הַבְלֵי שָׁוְא, וַאֲנִי — אֶל יְהוָה בָּטָחְתִּי. ח אָגִילָה וְאֶשְׂמְחָה בְּחַסְדֶּךָ, אֲשֶׁר רָאִיתָ אֶת עָנְיִי — יָדַעְתָּ בְּצָרוֹת נַפְשִׁי. ט וְלֹא הִסְגַּרְתַּנִי בְּיַד אוֹיֵב, הֶעֱמַדְתָּ בַּמֶּרְחָב רַגְלָי. י חָנֵּנִי יְהוָה — כִּי צַר לִי; עָשְׁשָׁה בְכַעַס עֵינִי, נַפְשִׁי וּבִטְנִי. יא כִּי כָלוּ בְיָגוֹן חַיַּי, וּשְׁנוֹתַי בַּאֲנָחָה; כָּשַׁל בַּעֲוֹנִי כֹחִי, וַעֲצָמַי עָשֵׁשׁוּ. יב מִכָּל צֹרְרַי הָיִיתִי חֶרְפָּה, וְלִשֲׁכֵנַי מְאֹד — וּפַחַד לִמְיֻדָּעָי; רֹאַי בַּחוּץ נָדְדוּ מִמֶּנִּי. יג נִשְׁכַּחְתִּי כְּמֵת מִלֵּב, הָיִיתִי כִּכְלִי אֹבֵד. יד כִּי שָׁמַעְתִּי דִּבַּת רַבִּים, מָגוֹר מִסָּבִיב; בְּהִוָּסְדָם יַחַד עָלַי, לָקַחַת נַפְשִׁי — זָמָמוּ. טו וַאֲנִי, עָלֶיךָ בָטַחְתִּי יְהוָה; אָמַרְתִּי: אֱלֹהַי אָתָּה! טז בְּיָדְךָ עִתֹּתָי, הַצִּילֵנִי מִיַּד אוֹיְבַי וּמֵרֹדְפָי. יז הָאִירָה פָנֶיךָ עַל עַבְדֶּךָ, הוֹשִׁיעֵנִי בְחַסְדֶּךָ. יח יְהוָה, אַל אֵבוֹשָׁה כִּי קְרָאתִיךָ; יֵבֹשׁוּ רְשָׁעִים, יִדְּמוּ לִשְׁאוֹל. יט תֵּאָלַמְנָה שִׂפְתֵי שָׁקֶר, הַדֹּבְרוֹת עַל צַדִּיק עָתָק — בְּגַאֲוָה וָבוּז. כ מָה רַב טוּבְךָ, אֲשֶׁר צָפַנְתָּ לִּירֵאֶיךָ; פָּעַלְתָּ לַחֹסִים בָּךְ, נֶגֶד בְּנֵי אָדָם. כא תַּסְתִּירֵם בְּסֵתֶר פָּנֶיךָ, מֵרֻכְסֵי אִישׁ; תִּצְפְּנֵם בְּסֻכָּה, מֵרִיב לְשֹׁנוֹת. כב בָּרוּךְ יְהוָה, כִּי הִפְלִיא חַסְדּוֹ לִי — בְּעִיר מָצוֹר. כג וַאֲנִי אָמַרְתִּי בְחָפְזִי, נִגְרַזְתִּי מִנֶּגֶד עֵינֶיךָ; אָכֵן שָׁמַעְתָּ קוֹל תַּחֲנוּנַי, בְּשַׁוְּעִי אֵלֶיךָ. כד אֶהֱבוּ אֶת יְהוָה כָּל חֲסִידָיו; אֱמוּנִים נֹצֵר יְהוָה, וּמְשַׁלֵּם עַל יֶתֶר עֹשֵׂה גַאֲוָה. כה חִזְקוּ וְיַאֲמֵץ לְבַבְכֶם — כָּל הַמְיַחֲלִים לַיהוָה.

מִזְמוֹר לב (32)

א לְדָוִד מַשְׂכִּיל; אַשְׁרֵי נְשׂוּי פֶּשַׁע, כְּסוּי חֲטָאָה. ב אַשְׁרֵי אָדָם — לֹא יַחְשֹׁב יְהוָה לוֹ עָוֹן, וְאֵין בְּרוּחוֹ רְמִיָּה. ג כִּי הֶחֱרַשְׁתִּי בָּלוּ עֲצָמָי, בְּשַׁאֲגָתִי כָּל הַיּוֹם. ד כִּי יוֹמָם וָלַיְלָה תִּכְבַּד עָלַי יָדֶךָ, נֶהְפַּךְ לְשַׁדִּי בְּחַרְבֹנֵי קַיִץ, סֶלָה. ה חַטָּאתִי — אוֹדִיעֲךָ, וַעֲוֹנִי לֹא כִסִּיתִי; אָמַרְתִּי: אוֹדֶה עֲלֵי פְשָׁעַי לַיהוָה, וְאַתָּה נָשָׂאתָ עֲוֹן חַטָּאתִי, סֶלָה. ו עַל זֹאת יִתְפַּלֵּל כָּל חָסִיד אֵלֶיךָ, לְעֵת מְצֹא; רַק לְשֵׁטֶף מַיִם רַבִּים אֵלָיו לֹא יַגִּיעוּ. ז אַתָּה סֵתֶר לִי, מִצַּר תִּצְּרֵנִי; רָנֵּי פַלֵּט תְּסוֹבְבֵנִי, סֶלָה. ח אַשְׂכִּילְךָ וְאוֹרְךָ בְּדֶרֶךְ זוּ תֵלֵךְ, אִיעֲצָה עָלֶיךָ עֵינִי. ט אַל תִּהְיוּ כְּסוּס, כְּפֶרֶד אֵין הָבִין; בְּמֶתֶג וָרֶסֶן עֶדְיוֹ לִבְלוֹם, בַּל קְרֹב אֵלֶיךָ. י רַבִּים מַכְאוֹבִים לָרָשָׁע, וְהַבּוֹטֵחַ בַּיהוָה — חֶסֶד יְסוֹבְבֶנּוּ. יא שִׂמְחוּ בַיהוָה וְגִילוּ צַדִּיקִים, וְהַרְנִינוּ — כָּל יִשְׁרֵי לֵב.

מִזְמוֹר לג (33)

א רַנְּנוּ צַדִּיקִים בַּיהוָה, לַיְשָׁרִים — נָאוָה תְהִלָּה. ב הוֹדוּ לַיהוָה בְּכִנּוֹר, בְּנֵבֶל עָשׂוֹר זַמְּרוּ לוֹ. ג שִׁירוּ לוֹ שִׁיר חָדָשׁ, הֵיטִיבוּ נַגֵּן בִּתְרוּעָה. ד כִּי יָשָׁר דְּבַר יְהוָה, וְכָל מַעֲשֵׂהוּ בֶּאֱמוּנָה. ה אֹהֵב צְדָקָה וּמִשְׁפָּט, חֶסֶד יְהוָה — מָלְאָה הָאָרֶץ. ו בִּדְבַר יְהוָה — שָׁמַיִם נַעֲשׂוּ, וּבְרוּחַ פִּיו — כָּל צְבָאָם. ז כֹּנֵס כַּנֵּד מֵי הַיָּם, נֹתֵן בְּאֹצָרוֹת תְּהוֹמוֹת. ח יִירְאוּ מֵיְהוָה כָּל הָאָרֶץ, מִמֶּנּוּ יָגוּרוּ כָּל יֹשְׁבֵי תֵבֵל. ט כִּי, הוּא אָמַר — וַיֶּהִי! הוּא צִוָּה — וַיַּעֲמֹד! י יְהוָה הֵפִיר עֲצַת גּוֹיִם, הֵנִיא מַחְשְׁבוֹת עַמִּים. יא עֲצַת יְהוָה — לְעוֹלָם תַּעֲמֹד, מַחְשְׁבוֹת לִבּוֹ — לְדֹר וָדֹר. יב אַשְׁרֵי הַגּוֹי אֲשֶׁר יְהוָה אֱלֹהָיו, הָעָם בָּחַר לְנַחֲלָה לוֹ. יג מִשָּׁמַיִם הִבִּיט יְהוָה, רָאָה אֶת כָּל בְּנֵי הָאָדָם. יד מִמְּכוֹן שִׁבְתּוֹ, הִשְׁגִּיחַ אֶל כָּל יֹשְׁבֵי הָאָרֶץ. טו הַיֹּצֵר יַחַד לִבָּם, הַמֵּבִין אֶל כָּל מַעֲשֵׂיהֶם. טז אֵין הַמֶּלֶךְ נוֹשָׁע בְּרָב חָיִל, גִּבּוֹר לֹא יִנָּצֵל בְּרָב כֹּחַ. יז שֶׁקֶר הַסּוּס לִתְשׁוּעָה, וּבְרֹב חֵילוֹ לֹא יְמַלֵּט. יח הִנֵּה עֵין יְהוָה אֶל יְרֵאָיו, לַמְיַחֲלִים לְחַסְדּוֹ. יט לְהַצִּיל מִמָּוֶת נַפְשָׁם, וּלְחַיּוֹתָם בָּרָעָב. כ נַפְשֵׁנוּ חִכְּתָה לַיהוָה, עֶזְרֵנוּ וּמָגִנֵּנוּ הוּא. כא כִּי בוֹ יִשְׂמַח לִבֵּנוּ, כִּי בְשֵׁם קָדְשׁוֹ בָטָחְנוּ. כב יְהִי חַסְדְּךָ יְהוָה עָלֵינוּ, כַּאֲשֶׁר יִחַלְנוּ לָךְ.

מִזְמוֹר לד (34)

א לְדָוִד, בְּשַׁנּוֹתוֹ אֶת טַעְמוֹ לִפְנֵי אֲבִימֶלֶךְ, וַיְגָרֲשֵׁהוּ — וַיֵּלַךְ. ב אֲבָרֲכָה אֶת יְהוָה בְּכָל עֵת, תָּמִיד תְּהִלָּתוֹ בְּפִי. ג בַּיהוָה תִּתְהַלֵּל נַפְשִׁי, יִשְׁמְעוּ עֲנָוִים וְיִשְׂמָחוּ. ד גַּדְּלוּ לַיהוָה אִתִּי, וּנְרוֹמְמָה שְׁמוֹ יַחְדָּו. ה דָּרַשְׁתִּי אֶת יְהוָה — וְעָנָנִי, וּמִכָּל מְגוּרוֹתַי — הִצִּילָנִי. ו הִבִּיטוּ אֵלָיו — וְנָהָרוּ, וּפְנֵיהֶם — אַל יֶחְפָּרוּ. ז זֶה עָנִי קָרָא — וַיהוָה שָׁמֵעַ, וּמִכָּל צָרוֹתָיו — הוֹשִׁיעוֹ. ח חֹנֶה מַלְאַךְ יְהוָה סָבִיב לִירֵאָיו, וַיְחַלְּצֵם. ט טַעֲמוּ וּרְאוּ כִּי טוֹב יְהוָה, אַשְׁרֵי הַגֶּבֶר יֶחֱסֶה בּוֹ. י יְראוּ אֶת יְהוָה קְדֹשָׁיו, כִּי אֵין מַחְסוֹר לִירֵאָיו. יא כְּפִירִים רָשׁוּ וְרָעֵבוּ, וְדֹרְשֵׁי יְהוָה — לֹא יַחְסְרוּ כָל טוֹב. יב לְכוּ בָנִים שִׁמְעוּ לִי, יִרְאַת יְהוָה אֲלַמֶּדְכֶם. יג מִי הָאִישׁ, הֶחָפֵץ חַיִּים — אֹהֵב יָמִים, לִרְאוֹת טוֹב? יד נְצֹר לְשׁוֹנְךָ מֵרָע, וּשְׂפָתֶיךָ מִדַּבֵּר מִרְמָה. טו סוּר מֵרָע וַעֲשֵׂה טוֹב, בַּקֵּשׁ שָׁלוֹם וְרָדְפֵהוּ. טז עֵינֵי יְהוָה אֶל צַדִּיקִים, וְאָזְנָיו אֶל שַׁוְעָתָם. יז פְּנֵי יְהוָה בְּעֹשֵׂי רָע, לְהַכְרִית מֵאֶרֶץ זִכְרָם. יח צָעֲקוּ, וַיהוָה שָׁמֵעַ, וּמִכָּל צָרוֹתָם הִצִּילָם. יט קָרוֹב יְהוָה לְנִשְׁבְּרֵי לֵב, וְאֶת דַּכְּאֵי רוּחַ — יוֹשִׁיעַ. כ רַבּוֹת רָעוֹת צַדִּיק, וּמִכֻּלָּם יַצִּילֶנּוּ יְהוָה. כא שֹׁמֵר כָּל עַצְמוֹתָיו, אַחַת מֵהֵנָּה לֹא נִשְׁבָּרָה. כב תְּמוֹתֵת רָשָׁע — רָעָה, וְשֹׂנְאֵי צַדִּיק — יֶאְשָׁמוּ. כג פּוֹדֶה יְהוָה — נֶפֶשׁ עֲבָדָיו, וְלֹא יֶאְשְׁמוּ — כָּל הַחֹסִים בּוֹ.

המשך הפרק בספר המלא